आंबेडकर नगर येथे डॉ.बाबासाहेब आंबेडकरांना अनुयायांनी वाहिली आदरांजली !
इंदापूर: (प्रतिनिधी): आज ६ डिसेंबर! डॉ.बाबासाहेब आंबेडकर यांच्या महापरिनिर्वाण दिनी इंदापूर शहरातील आंबेडकर नगर येथे समस्त बौद्ध बांधव आणि अनुयायी यांच्याकडून भावपूर्ण आदरांजली वाहण्यात आली.
यावेळी उपस्थित उपासक आणि उपासिका यांच्याकडून पंचशील, त्रिशरण आणि धम्मवंदना घेण्यात आली.
त्यानंतर अनेक मान्यवरांनी बाबासाहेबांचे विचार,त्यांचे कार्य,त्याग,समर्पण,भारतीय न्यायव्यवस्था,स्त्री मुक्ती तसेच भारतीय संविधान याबद्दलचे विचार व्यक्त केले.
प्रा.तथा बौद्घाचार्य बाळासाहेब मखरे ,नगरसेविका राजश्री मखरे, डॉ बाबासाहेब आंबेडकर जयंती महोत्सव कमिटीचे तथा बी. एस. ग्रुपचे अध्यक्ष बंटीभाऊ सोनवणे, सामाजिक कार्यकर्ते रमेश शिंदे, ॲड.सूरज मखरे तसेच इंदापूर पोलीस ठाण्याचे अधिकारी श्री.तांबे व श्री. कोळेकर व त्यांचा स्टाफ,जयकुमार सोनवणे, सचिन मखरे, उमेश मखरे, स्वप्नील मखरे , अमोल मखरे,सुमित मखरे, यशपाल सरवदे,आशिष गायकवाड,अक्षय मखरे, पप्पू मखरे,मंजू लोंढे व इतर अनेक मान्यवर महापरिनिर्वाण दिनी मानवंदना देण्यासाठी व आदरांजली वाहण्यासाठी उपस्थित होते.
कार्यक्रमाचा समारोप प्रा. बाळासाहेब मखरे यांनी केला.
